மீண்டும் ஷைபர் தாக்குதலில் இலங்கை

இலங்கையின் முன்னனி வலைத்தளங்கள் பல ஷைபர் தாக்குதலுக்கு உட்பட்டுள்ளதாக செய்திகள் தெரிவிக்கின்றன. இதில் இலங்கையின் முக்கிய தகவல்கள் திருடப்பட்டிருக்கலாம் என்று நம்பப்படுகிறது.

புதிதாக இலங்கை முதலீட்டுச் சபையின் வலைத்தளம் ஹெக் செய்யப்பட்டுள்ளதாகவும் இதிலிருந்த பல தகவல்கள் திருடப்பட்டுள்ளதாகவும் ”Davy Johns” எனும் பெயரில் ஹேக்கர் குழு தெரிவித்துள்ளது.

மேலும்  மஹிந்த ராஜபக்ஷ திரையரங்கு வலைத்தளமும் ஹெக் செய்யப்பட்டுள்ளதாக தெரிவிக்கப்படுகிறது. எனினும் இவ்விரு வலைத்தளங்களும் தற்போது வழமை போன்று இயங்குவதாக தெரிவிக்கப்படுகிறது.

அண்மையில் இலங்கையின் பிரபல தொலைக்காட்சி நிறுவனங்களின் வலைத்தளம் மற்றும் வெளிநாட்டு வேலைவாய்ப்பு பணியகம் ஆகியவற்றின் வலைத்தளங்களும் ஹெக் செய்யப்பட்டமை குறிப்பிடத்தக்கது.