சட்டவிரோதமாக படகில் அவுஸ்திரேலியா சென்ற மேலும் 53 பேர் திருமலை கடலில் கைது

படகு மூலம் அவுஸ்திரேலியாவுக்குத் தப்பிச் செல்ல முயற்சித்த மேலும் 53 பேர் இன்று செவ்வாய்க்கிழமை இலங்கை கடற்படையினரால் கைது செய்யப்பட்டுள்ளனர்.

´சிங்களே 4´ என்ற பெயருடைய படகு திருகோணமலை கடற்பரப்பில் வைத்து வழிமறிக்கப்பட்டுள்ளது.

கைது செய்யப்பட்டவர்களில் 49 தமிழர்களும் 3 முஸ்லிம்களும் ஒரு சிங்களவரும் அடங்குகின்றனர்.

இவர்களுள் 3 பெண்களும் 8 சிறுவர்களும் அடங்குவர்.

கைது செய்யப்பட்டோர் வவுனியா, யாழ்ப்பாணம், திருகோணமலை ஆகிய மாவட்டங்களைச் சேர்ந்தவர்களாவர்.

இவர்கள் திருகோணமலை துறைமுகத்திற்கு அழைத்து வரப்பட்டு குற்றப்புலனாய்வுப் பிரிவினரிடம் ஒப்படைக்கப்படவுள்ளதாக கடற்படையினர் குறிப்பிட்டுள்ளனர்.